Vasbyt

Die Vasbyt neem die ernstige atlete op 'n Karoo-avontuur te voet. Vir drie dae trap jy spore al tussen die Karookoppies, terwyl jy die uitsig in 'n bottel wil bêre. Dit toets uithouvermoë en beplanning, aangesien daar slegs 36 uur tussen jou eerste en jou laaste wegspring verloop. 3 dae, 73 km in totaal, 599 m klim.

• Dag 1: Dorpsdraf in die vroeg-aand. Ons stap/draf saam met die gemeenskap deur die dorp. Die roete is 'n kombinasie van sementpad, grondpad en veldpaadjies. (10.6 km)
• Dag 2: Op Dag 2 stap/draf ons oor die Fluitjeskraalbrug oor die Oranjerivier en al langs die kanaal tot ons voete ons weer terug in Orania bring. (39.3 km)
• Dag 3: Op die laaste dag word ons wedloopdeelnemers met 'n trok na 'n plaas vervoer, waar die deelnemers op 'n plaas sal wegspring en dan 'n roete langs die kanaal op pad dorp toe sal neem. Oplaai om 05:30. (23 km)